Viļakas novada domes mājas lapa

Folklorys ekspedicejai tūgod Viļakā

Jau divpadsmytū reizi Rēzeknis Augstškolys (RA) filologi reikoj folklorys ekspediceju, kab apzynuot Latgolys tradicejis, saglobuot vēļ saglobojamū i pastuosteit par tūcytim.

Gods pyn vaiņukus Juonim i otkon RA studenti i docātuoji ir sagaidejuši sovu gora atvalinuojuma laiku. Kluot ekspediceja ar dzeivis stuostim, spieceigim i dzeivis zynūšim cylvākim, puorsteigumi i puorpratumi, kūpābyušonu i sadzīduošona. Itūgod nu 25.juņa da 1. juļambyusim Viļakā.

Kas šūgod ir sovaižuok? Asom dīzgon palels braucieju puļceņš. Rēzeknīšim pa vydubyus i Jāzepa Vītola Muzykys akademijis studenti i pasnīdzieji, byus Erasmus programys studeņtis nu Pūlejis i postfolklorys grupa „Rikši”, ari pa kaidam folklorys ekspedicejis senioram. Prūti, taidam studentam, kas vys tik atsagrīž da folklorys praksei, lai ari seņ jau nav pyrmuo kursa students.

Jauna vīta, jauni cylvāki, jauna tema. Viļakā leluoku akcentu liksim iz ticiejumim. Raudzeisim nūskaidruot, voi cylvāku kas dīna ar timsa isteita, kuri ir īrostuo kī ticiejumi. Voi kaids zyna senču ticiejumus, bet varbyut jau ir sovi ticiejumi, kū i kai lobuok sarunuot ar datoru, pīvadumam, kab jis napuorkorstu atbiļdeigus dorbus rokstūt.

Tai kai postfolklorys grupa „Rikši” ir leidza, tod 26. Junī ostoņūs vokorā Viļakys kulturys nomā vysi gaidieti iz večerynku – kūpā dzīduosim, doncuosim, kaidu rūtali izīsim.

Pots svareiguokais – ceram iz viļakīšu atsauceibu, par tū ka gola rezultats – folklorysjaunīgyvumi i filma, kas byus par Viļaku, vysod ir kūpdorbs.

Var pačukstēt, ka gotova jau ir ari pagyojušuos ekspedicijis filma „Baļtinovys receptis”, bet tai kai vosorājuo ād vysu, kas aug duorzā i nav laika receptem, tod prezentēsim filmu iz rudiņa pusi.

Sasateikom Viļakā!


Ilga Šuplinska,

Folklorys ekspedicijis vadeituoja

19.06.2014
Kalendārs
« Janvāris 2022 »
POTCPSSv
 12
3456789
10111213141516
17181920212223
24252627282930
31 
Šodien
Šodien vārda dienas svin:
Tenis, Dravis
Īsās ziņas
No 8.novembra līdz 2020.gada 4.janvārim Viļakas novada muzeja izstāžu zālē skatāma izstāde "Austrumu robežu sargājot: Ziemeļlatgale" ...
Skolēnu autobusu saraksti 2019./2020.māc.g. Saraksti ...
Valsts un pašvaldības vienotais klientu apkalpošanas centrs ...
Valsts robežsardzes robežapsardzības nodaļu kontaktinformācija ...
Jaunākie video par mūsu novadu no Latgales reģionālās televīzijas. ...